सप्तरी जिल्लाकै कुख्यात मिटरब्याजी मनोज दास सहित तिन जना पक्राउ

राजविराज । सप्तरीमा मिटरब्याजीको आरोपमा आइतबार साँझ मनोज दास सहित तिन जना पक्राउ परेका छन् ।

पक्राउ परेकाकाहरूमा राजविराज-६ का मनोजकुमार दास, राजविराज-५ का शिवनारायण यादव र राजविराज-३ का तारिणीप्रसाद साह रहेको जिल्ला प्रहरी कार्यालय सप्तरीले जनाएको छ ।

दास विरुद्ध मिटरब्याजी पीडितहरूले जिल्ला प्रशासन कार्यालयमा उजुरी दर्ता गराएका थिए । सोही आधारमा दासलाई नियन्त्रणमा लिइएको एसपी नरेन्द्रकुमार कार्कीले जनाएको छ । 

दास राजविराज लगायत यो क्षेत्रमा चर्को ब्याजमा रकम लगानी गर्दै आएको खुलेको छ । स्थानीय श्रोतका अनुसार दास जिल्लाकै ‘कुख्यात’ मिटरब्याजी हुन् । दासले फैलाएको मिटरब्याजीको  सञ्जालले दर्जनौं परिवार पीडित रहेको स्थानीय श्रोतको भनाई छ ।

यता, सप्तरीका एसपी कार्कीले मितरब्याजीको आरोप लागेकाहरूमाथि थप अनुसन्धान भइरहेको जनाएको छ ।