राजबिराजको मुख्य बजारमा वर्षाको पानी निकास नहुँदा विभिन्न ठाउँ जलमग्न

राजबिराज, २० असार । वर्षाको पानी निकास नहुँदा सप्तरीको राजबिराज नगरपालिकाको कार्यालय सहित नगरको विभिन्न ठाउँ जलमग्न भएका छन् । 

राजबिराज नगरपालिका परिसर, गजेन्द्रनारायण अस्पताल, हटिया, मालपोत लाइन, सहित दर्जनौँ ठाउँमा  अविरल वर्षाका कारण बजार क्षेत्र जलमग्न भएका छन भने केही ठाउँ डुबानमा परेको छ । 

मंगलबार यता रातिदेखि परेको अविरल वर्षासँगै आएको बाढीले गजेन्द्र नारायण सिँह  अस्पताल डुबानमा परेको हो । 

बाढीका कारण अस्पतालको सिटी स्क्यान, एक्सरे र ओपिडी सेवा प्रभावित भएको अस्पताल प्रशासनले जनाएको छ।