सामाजिक सञ्जालमा अफवाह फैलाएको कसुरमा राजु जयसवाल पक्राउ

राजविराज, १२ साउन । सप्तरीको रुपनी गाउँपालिका -१ बस्ने आफूलाई सामाजिक अभियन्ता बताउने राजु जयसवाललाई प्रहरीले पक्राउ गरेको छ । 

सामाजिक सञ्जालमा झुठो अफवाह फैलाएको कसुरमा मुलुकी अपराध संहिताको दफा ७० बमोजिम शुक्रबार जयसवाललाई प्रहरीले नियन्त्रणमा लिएको हो ।

झुठो अफवाह फैलाउन नहुने मुद्दा जयसवाल माथी दर्ता भएकोले अनुसन्धानका लागि नियन्त्रणमा लिएको सप्तरी प्रहरी प्रमुख एसपी नरेन्द्र कुमार कार्कीले जानकारी दिए ।

पक्राउ परेका जयसवाल सामाजिक सञ्जाल मार्फत आफ्ना अभिव्यक्तिहरू राख्ने गर्छन् ।