जिप्रका विरुद्व मिटर ब्याजी पीडितको प्रदर्शन

राजबिराज, १६ साउन । जिल्ला प्रशासन कार्यालय (जिप्रका) सप्तरी अगाडि मिटर ब्याजी पीडितहरूले प्रदर्शन गरेका छन् । 

मिटर ब्याजी पीडितसँग साहुको छलफल गराउने क्रममा पीडित भन्दा साहुकै हालिमुहाली गराउने गरेको भन्दै उनीहरूले सीडीओ कार्यालय अगाडि मंगलबार प्रदर्शन गरेका हुन् ।

उनीहरूले सीडीओ कार्यालयमा साहुसँग पैसा लिएर उल्टै पीडितलाई नै थप पीडा दिने कार्य भइरहेको आरोप लगाएका छन् ।

घूसखोर सीडीओ भुपेन्द्र थापालाई सरुवा गर, मिटर ब्याज पीडितका छलफलमा मिटर ब्याजी संघर्ष समितिका प्रतिनिधिलाई राख, घूसखोर कर्मचारी संजय रामलाई सरुवा गर लगायतका नारा लगाएका थिए ।