ब्रह्मकुमारी केन्द्र द्वारा रक्षाबन्धन तथा जनैपूर्णिमा पर्व मनाइयो

राजविराज, १४ भाद्र । प्रत्येक वर्ष श्रावण शुक्ल पूणिर्माका दिनमा मनाइने रक्षाबन्धन एवम् जनैपूर्णिमा पर्व आज बिहीवार धुमधामका साथ मनाइँदैछ ।

बिहीवार ब्रह्माकुमारी राज्य योग सेवा केन्द्र राजबिराजले एक कार्यक्रमको आयोजना गरी सर्वसाधारणलाई राखी बाँधेका छिन ।

सो अवसरमा मधेश प्रदेश सरकारका शिक्षा तथा समाजकल्याण मन्त्री महेश प्रसाद यादबले भाइ र बहिनी बीचको अटुट प्रेमलाई दर्शाउँन रक्षाबन्धन पर्व रहेको बताए ।

 खास गरेर रक्षाबन्धन हिन्दु धर्मावलम्बीहरूले मनाउने रक्षाबन्धन शब्दमा दुई वटा शब्द जोडिएको छ ‘रक्षा र बन्धन’ रक्षाको अर्थ भाइले बहिनीको रक्षा गर्ने बाचा दिन्छ भने बन्धन जसले भाइ बहिनीको सम्बन्धमा अझ बढी माया, स्नेह, सामिप्य र प्रेम ल्याउने बताए । सो अवसरमा भगवती दिदीले जनै पूर्णिमा तथा रक्षाबन्धनको महत्वको बारेमा भगवती दिदीले चर्चा गरेकी छिन।

उनले भनी सत्ययुगमा दानवद्वारा लखेटिएका देवगणलाई गुरु बृहस्पतिले रक्षा विधान तयार गरी जे चिजले अत्यन्त बलशाली दानवराज बलि बाँधिए, त्यसले नै म तिमीलाई बाँध्छु, यसले तिमी सुरक्षित वन, विचलित नहोऊ भनी डोरो बाँधेर जोगाएका थिए भन्ने पौराणिक मान्यताका आधारमा चलेको रक्षाबन्धनको परम्परा आज पनि प्रचलितमा रहेको बताइनँ ।

मानव रक्षाका लागि जप, तप र पूजा गरी मन्त्रिएको रक्षाबन्धन वैदिक परम्पराको मन्त्रोच्चारण गर्दै ब्राहृमण पुरोहितले यजमानको नाडीमा बाँधिदिने परम्परा छ ।आजकै दिन तागाधारीले आफ्नो जनै अर्थात् यज्ञोपवीत फेर्ने परम्परासमेत छ ।

सो अवसरमा प्रमुख जिल्ला अधिकारी किरण थापा, पूर्व न्यायाधीश रामचन्द्र यादब, समाजसेवी तथा केन्द्रका संस्थापक हरेकृष्णा प्रसाद सिँह, शिवनन्दन यादब, रेखा यादब, पत्रकार चन्दन यादब, दिनानाथ यादब लगायतको उपस्थिति रहेको थियो।