श्री कृष्ण जन्माष्टमी धुमधामका साथ मनाइदै, भोली राजविराजमा रथ यात्रा निकाल्ने

राजविराज । वैदिक सनातन धर्मावलम्बीले ‘आज श्रीकृष्ण जन्माष्टमी’ पर्व नेपालको बिभिन्न ठाउँमा भगवान् श्रीकृष्णको पूजाआराधना गरी श्रद्धाभक्तिपूर्वक मनाइने गरिन्छ ।

यस पर्वको अवसरमा कृष्णाष्टमीको भोलिपल्ट नेपालको बिभिन्न ठाउँमा रथ यात्रा निकाल्ने चलन छ । उक्त अवसरमा राजविराजबाट कृष्ण मन्दिर समिति आयोजनामा भोलि बिहान ११ बजेदेखि रथ रात्रा निकाल्ने कार्यक्रम राखेको छ ।

ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्ण जन्माष्टमी’ र रातलाई ‘मोहरात्रि’ भनिन्छ ।

यस दिन देशभरिका कृष्णमन्दिर हरुमा भगवान् श्रीकृष्णको पूजाआराधना, प्रवचन, भजनकीर्तन गर्नाका साथै विशेष गरी महिला, पुरुष दुईटैले ‘व्रत’ बसी रातभर जागरण बस्ने प्रचलन छ ।

कृष्ण पुराणका अनुसार, भाद्र महिनाको कृष्ण अष्टमीको दिन माता देवकीको आठौं सन्तानको रूपमा भगवान कृष्णको जन्म भएको थियो ।