ब्रहमा कुमारी राजयोग सेवा केन्द्र राजविराज द्वारा ट्राफिक सुरक्षा कार्यक्रम

राजबिराज । सडक सुरक्षा, जीवन रक्षा ट्राफिक नियमको पालन गरौं भन्ने  नाराका साथ सप्तरीको राजविराजमा विहिबार ट्राफिक सुरक्षा सम्बन्धि सचेतनामुलक कार्यक्रम आयोजना गरिएको छ ।

ब्रहमा कुमारी राजयोग सेवा यातायात प्रभाग नेपालको समन्वयमा ब्रहमा कुमारी राजयोग सेवा केन्द्र राजविराजले सडक सुरक्षा सचेतनामुलक कार्यक्रम आयोजना गरेको हो ।

ब्रहमा कुमारी राजयोग सेवा केन्द्र क्षेत्रीय कार्यालय विरगंज सेन्टर इन्चार्ज रविना दिदिको अध्यक्षता तथा  प्रदेशसभा सदस्य सतिष कुमार सिंहको प्रमुख आतिथ्यमा कार्यक्रम आयोजना गरिएको थियो ।

कार्यक्रममा प्रमुख अतिथि सिंह, विरगंज सेन्टरका ब्रहमा कुमार गुणराज लामिछाने, वरिष्ठ पत्रकार एवम् प्रेस स्वतन्त्रता सेनानी बैधनाथ झा, ट्राफिक प्रभाग इन्टरनेशनल सदस्य रामस्वरुप भाईजी लगायतकाले ट्राफिक सुरक्षा बारे जानकारी गराएका थिए । ब्रहमा कुमार सरोज भाईद्वारा संचालित कार्यक्रममा  स्वागत राजविराज सेवा केन्द्रकी संचालक भगवती दिदिले गरिन ।

कार्यक्रममा यातायात व्यवसायी, पत्रकार लगायतकाका सरोकारवालाहरुको उपस्थिति रहेको थियो