शैक्षिक गुणस्तरीय अभिवृद्धिका लागी शैक्षिक समाग्री बितरण

राजबिराज । खडक नगरपालिका वडा नं. ७ मा राष्ट्रिय अधारभुत बिद्यालय कल्याणपुरमा शैक्षिक सामग्री बितरण गरेकाे छ ।

आईतवार सबल नेपाल र सेभद चिल्ड्रेनकाे साझेदारीमा संचालित समुन्नती कार्यक्रम अन्तर्गत २२५ जना दलित बालबालिकाहरुलाई ब्याग १ थान, स्विटर १ थान लगायतका शैक्षिक सामग्री प्रदान गरिएको छ ।

दलित तथा विपन्न बालवालिकाहरुको समग्र शिक्षामा सुधार तथा शिक्षा क्षेत्रलाई मजबुत पार्ने उद्देश्यले शैक्षिक सामग्रीहरु वितरण गरीएको सबल नेपालका कार्यक्रम संयाेजक राेशन मण्डलले जानकारी दिए ।

उक्त अवसरमा खडक नगरपालिका नगर प्रमुख जय प्रकाश चाैधरीले नगरपालिकाले गुणस्तर शिक्षामा टेवा पुग्ने उदेश्यले शैक्षिक सामग्रीकाे सहयाेगवाट बिधार्थीहरूकाे शैक्षिकमा सुधार हुने बिश्वास ब्यक्त गरे ।

वडा नं ७ का वडाअध्यक्ष राकेश कुमार साहले शिक्षाको बिकास भए मात्र भबिष्य राम्रो हुने उदेश्यले वडाभरीका सामुदायिक बिद्यालयहरुमा खेलकुदमा समेत राम्रो गरि रहेको बताउदै शिक्षामा गुणस्तरीय ल्याउनका लागि आफु लागि परेको बताए ।

कार्यक्रममा सबल नेपालका परियोजना संयोजक रोशन कुमार मण्डल, कार्यक्रम सुपरभाइजर अशोक कुमार साह ,समुदायिक परिचालक राजेश साह लगायत बिद्यालयका अभिभावक र स्थानिय समुदायिका ब्यक्तिहरुको उपस्थित रहेको थियो ।

यसै गरी खडक नगरपालिका वडा ८ मा रहेको श्री जन जागृती अधारभुत बिधालयका बाल बिकास देखि कक्षा ६ सम्म १५४ जना बिद्यार्थीहरुलाई स्विटर बितरण गरिएकाे छ।