सप्तरीको लचका पुलमुनी बेवारिसे पुरुषको शव फेला

राजविराज । सप्तरीको तिलाठी कोइलाडी गाउँपालिका-१ स्थित राजविराज-कुनौली सडकखण्डमा पर्ने लचका पुलमुनि म.प्र ३०६१ नम्बरको मोटरसाइकल सहित एक बेवारिसे पुरुषको शव फेला परेको छ । 

अन्दाजी २५/३० वर्ष उमेरका युवाको शव फेला परेको र नामथर, वतन नखुलेको प्रहरीले जनाएको छ । शनिबार बिहान नदीमा  शव देखेपछि स्थानीयवासीले प्रहरीलाई खबर गरेका थिए । मृतकको पहिचान खुलेको छैन, अनुसन्धान भइरहेको छ, पहिचान खुलाउन प्रहरीले प्रयास गरिरहेको छ ।